Маңғыстаулық Абай Тұралханов "QazPMA-2022" конкурсында жүлдегер атанды

2-3 желтоқсан күндері Қазақстан Республикасы Президентінің жанындағы Мемлекеттік басқару академиясының ұйымдастыруымен «Qazaqstan Project Management Awards – 2022» форумы өтті, деп хабарлайды mangystaumedia.kz.

Форум аясында жобалық менеджментті жетілдіру бойынша «QazPMA-2022» конкурсының финалдық кезеңіне жолдама алған үміткерлер өзара жеңімпаздарды анықтады.

Алғашқы күні финалистер өздерінің алдын ала дайындаған бейнероликтері мен презентацияларын көрсетіп, көпшіліктің алдында жобаларын қорғады.

Ал форумның екінші күнінде әр номинация бойынша жеңімпаздар анықталып, арнайы дайындалған сертификатпен және естелік сыйлықтармен марапатталды.

Ақтық сында өнер көрсеткен Маңғыстау облысының жолаушылар көлігі және автомобиль жолдары басқармасының бөлім басшысы Абай Тұралханов «Үздік жобалық менеджер» номинациясы бойынша жүлделі үшінші орынды иеленді.

Айта кету керек, аталған конкурсқа еліміздің барлық өңірінен мемлекеттік органдар, квазимемлекеттік сектор, бизнес салаларынан әр түрлі санаттар бойынша жүздеген үміткерлер қатысқан.

Жобалық офис тарапынан жүлдегер Абай Тұралхановты жеңісімен құттықтаймыз!

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.